Gogoratuko duzuenez, Ikastolako Agenda 30 proiektu barruan ENERGIA gaia lantzen ari direla eta, iragan otsailaren 14an, mundu mailako Energiaren eguna zela aitzaki, erronka luzatu ziguten ikastolan proiektu honekin dabiltzan ikasleek. Orduan bidalitako galdetegiak energia aurrezteko ekintza bat praktikara eramateko gonbitea luzatzen zigun. Etxean egin ditzakegun 5 ekintzetatik bat aukeratzea eta egun batzuetan praktikan jartzeko gonbitea luzatuko ziguten orduan.
Erronkan 578 familietatik 95ek hartu dute parte, % 16,44. Sektoren diagraman daude adierazita parte hartu dutenek aukeratu duten ekintza ehunekotan.
1. ekintza da gehiengoak aukeratu duena (energia aurrezteko, beharrezkoa ez denean, argia eta aparatu elektronikoak itzaliko ditugu. Horrez gain, erabiliko ez ditugun gailu elektronikoak desentxufatu egingo ditugu), eta 4. ekintza gutxien (ahal dugun guztietan oinez edo bizikletaz mugituko gara. Eta ezin bada oinez joan, garraio publikoa erabiliko dugu kotxearen ordez).
Horra diagrama horren argigarri:
Programan lanean diharduten ikasleek eskerrak eman nahi dizkiete parte hartu duten familiei, eta hilabete barru beste galdetegi bat pasatuko dutela gogorarazi digute esperientzia nola joan den jakiteko.
