Morkaiko mendizale elkarteak, Ikastolako eta Herri Eskolako gurasoekin batera antolatzen dituen mendi irteeren baitan, irteera berria proposatzen digu martxoaren 10erako: Elgoibartik Azitainera (Eibar). Oraingoan ez dira urrutira joango. Herri bertatik abiatuko dira oinez.
Ibilaldia Elgoibar eta Eibar lotzen dituen bide zaharretik burutuko da, Sigma auzotik abiatuta.
Handik, Saturixo aldera joko dute. Saturixo erreka gurutzatu ondoren Arrate Balletik barrena Azitainera jaisteko.
Azitainen oraindik indartsu eta gogotsu daudenak Maltzagako bide gorritik itzuli daitezke Elgoibarrera. Buelta oinez ez duenak egin nahi autobusez edo trenez itzultzeko aukera izango du.
Ez da ibilbide zaila, aldapa haundirik gabea. Igande goiz pasa eder bat pasatzeko aukera paregabea berriz ere.
Luzera:+/- 6 Km (Elgoibar-Azitain)
Desnibela: +/- 250 m
Irteera: 9:30. Kalegoen plazan
Irteera nagusi zein gaztetxoei zuzenduta dago. Umeak ezingo dira bakarrik etorri. Gurasoren bat arduradun gisa etorri behar du.
Eguraldiaren arabera irteerak aldaketak izan ditzake.
Eguraldia dela eta abisu edo alertarik egon ez gero, irteera bertan behera geldituko da.
