Badira hiru urte Euslider egitasmoarekin hasi ginela ikastolan. DBHko ikasleak hizkuntza-aniztasunaren garrantziaz sentsibilizatzea eta euskararen erabilera informala bultzatzea helburu daukan proiektu honek Ahizeko adituen eta Udalaren laguntza jasotzen du. Urte hauetako gure ikasleen dinamikari jarraituz, DBHko 4. mailako ikasleek, trebatze fase baten ostean, 3. mailakoen aurrean dinamizatzaile lanak burutzen dituzte, horiek izan daitezen hurrengo ikasturterako dinamizatzaile berriak (eusliderrak). Dinamika horretan 3. mailako ikasleek ekintza bat prestatzen dute.
Ekintza horien baitan, aste honetan “Madalena tailerra” antolatu dute. LH6.mailako ikasleentzat antolatu duten tailer honen helburu nagusia elkarrekintza euskaraz sustatzea izan da. Hona hemen egitasmoak utzi dizkigun argazki batzuk.
