Skip to main content

A30: Confint bilerak izan ditugu

2024/05/16

Maiatzaren 10ean, osteguna, Ikastolako Confint ospatu genuen. Bertan, Agenda 30eko zenbait arduradunek Confint zer den eta ikastolan energia gaiarekin aurtengo ikasturtean zer egin dugun gogorarazi zieten LH 5-6 eta DBH 1-2ko ikasleei aurkezpen baten bitartez. Ondoren, geletan bildu ziren energia kontsumoaren inguruan hausnarketa egiteko.

Horren ostean, maiatzaren 15ean, Euskal Herriko Confinten parte hartu genuen Busturian. Elgoibar ikastolako hiru ekolider bertako Ekoetxera joan ziren, eta, bertan, Gipuzkoa eta Bizkaiko ikastetxe desberdinetako ekoliderrekin esperientziak elkarbanatu zituzten, bakoitzak egindako lanak erakutsiz eta hainbat tailerretan parte hartuz. Gainera, bertaratu ziren ekoliderren artean bozketa burutu zuten datorren urteko Estatuko Confinteko ordezkari berriak aukeratzeko. Laster jakingo dugu nortzuk izan diren hautatuak.

Confint

Azken albisteak

Irudia
2024-07-19
2024-06-27
“Biharko Ikastolak behar ditugu biharko Euskal Herria eraikitzeko”. Esaldi horrekin laburbildu ditu Ikastolen Elkarteko lehendakari Nekane Artolak, larunbatean, Iruñean, Ikastolok egin genuen Zazpigarren Batzarrean hartutako erabakiak.
2024-06-26
Aubixako aurtengo egonaldiak iritsi dira amaierara. Ekintzaz beteriko egun eta gauak izan dira, txanda bakoitzean hainbat bizipen desberdin pilatuz. Horra bertatik iritsi zaizkigun argazki batzuk. Irudi guztiak ikusgai dituzue gure Alexian, "Galeriak" atalean.