Pasa den astean, maiatzaren 27an, LH6. mailako ikasleek ospatutako Azoka Solidarioa izan genuen albiste. Azokari hasiera emateko musika arloan landutako Los chicos del coro filmeko abesti bat jo eta abestu zuten ikasleek txirularen laguntzaz. Ondoren, gorputz hezkuntzako arloan asmatutako akrosporteko koreografiak egin zituzten. Amaitzeko, ikasturtean zehar osatutako eskulanak eta ingeleseko arloan landutako zenbait pintxo saldu zituzten.
Bertan lortutako diru irabaziak Elgoibarko Nuala elkarteari eman genizkion eta diruaren entrega egiteko Ikastolaren eguna, ekainaren 1a, aprobetxatu genuen. Nuala elkarteko Anton eta Mikel partaideak ikastolara hurbildu ziren eta argazki bat atera genuen beraiekin. Cristinak (Antonen amak) eta Miriamek (Mikelen amak) Nualaren nondik norakoak azaldu zizkiguten.
Horrez gain, azoka solidarioan lortutako dirua Orion arraun saioak egiteko erabiliko dutela adierazi ziguten.
