Urriaren 6an giro ezin hobean ospatu ziren Kilometroak Azpeitian. Bertan jaso genuen lekukoaren aldaketa. 2025eko urriaren 5ean Elgoibarren ospatuko dira.
Irudia
Atzo, urriaren 6an giro ezin hobean ospatu ziren Kilometroak Azpeitian eta guztiok oso gogotsu hartu genuen parte bertako ekintza desberdinetan, beste behin ere euskararekiko konpromisoa erakutsiz.
Elgoibar Ikastola ere bertan egon zen, nola ez, eta ilusio handiz hartu zuen hurrengo edizioa antolatzeko lekukoa, hezkuntza komunitatearen eta Elgoibarko herriaren babesarekin.
Orain arte egin den lanari jarraipena emango diogu, gogotsu, euskara aldarrikatuz eta komunitatearen partaidetza hainbat eraldaketen ardatz dela erakutsiz.
2025eko urriaren 5ean Elgoibarren ospatuko dira.
