Skip to main content

ZERIKASIKOT PROGRAMA

Urriaren azken aste honetan, gure DBH4ko ikasleek MEKA eta IMH zentroak bisitatu dituzte, ZERIKASIKOT programaren barruan.

Helburua, DBH ondoren ikasleek eskuragarri dituzten ikasketa-aukerak bertatik bertara ezagutzea izan da. Bisita hauetan, industria, mekanika eta teknologia alorretako Lanbide Heziketa Zikloak azaldu dizkiete, eta horiek eskaintzen dituzten prestakuntza eta aukera profesionalak sakonago ezagutzeko aukera izan dute.

Esperientzia honek, ikasleen etorkizuneko aukerak hobeto aztertzen laguntzeaz gain, etorkizun akademiko eta profesionalari buruzko orientazio baliagarria eman die.

 

Azken albisteak

XXVI. PILOTA EGUNA

Eskerrik beroenak antolaketan lagundu duten guztiei, boluntarioei, babesleei eta, noski, parte hartu duzuen pilotariei eta familiei! Zuen ilusio eta ekarpenari esker, egun borobila izan da!

MENDI IRTEERA: IRIMO

Martxoak 15rako Morkaikotik, Herri Eskola eta Ikastolako gurasoekin elkarlanean antolatutako mendi irteera proposatzen dizuegu: IRIMO. Oraingoan Urola Goierri ingurura joango gara.

EMAN TOKIA BERDINTASUNARI

Eman tokia entzun ez diren ahotsei, isilarazi dituzten istorioei eta ukatu zaizkien ametsei; eman tokia kaleetan, lantokietan, etxeetan eta erabakietan. Ez da lekua kentzea, ez da inor ordezkatzea; justizia egitea da. Berdintasuna ez da oparia, eskubidea baizik. Gaur, martxoak 8, ez dugu soilik aldarrikatzen; gaur, lekua egiten dugu, guretzat, zuretzat, denontzat. Eman tokia berdintasunari.

ESKUTIK ESKURA KANPAINA MARTXAN

Martxoaren 18ra arte Nafarroa hegoalde eta erdialdeko oliba-olio birjina estra, ardoak, kontserbak, arroza, pasta, lekaleak eta fruitu lehorrak dituzu aukeran euskaraz etiketatuta eta ekoizlearen jatorrizko prezioan.
Gehiago