Skip to main content

BATZAR NAGUSIA

Abenduaren 12an, Elgoibar Ikastolak bere bazkideen Ohiko Batzar Nagusia ospatu zuen. Bertan, 2023-24 ikasturteko memoria eta 2024-25 ikasturteko antolaketa, lan-ildoak (hezkuntza proiektua, digitalizazioa, euskara, komunitatea eta kilometroak) eta aurrekontua onartu ziren. Horrez gain, Kontseilu Errektorearen berriztapen partziala onartu zen.

Kooperatibako Kontseilu Errektorea ondorengo kideek osatuko dute 2026. urte arte:

  • Lehendakaria: Olatz Astigarraga
  • Lehendakari ordea: Erika Lehr
  • Idazkaria: Iñigo Etxeberria
  • Bokalak: Ander Soraluze, Julen Irizar, Maialen Bastida, Miren Agirrezabal, Josu Ansola, Ane Odria, Ane Iñiguez, Mikel Arosa eta Julen Salaberria.
Komunitate osoaren izenean, gure eskerrik beroenak Kontseilu Errektorean 4 urtez lanean jardun duten lan bazkide izan diren, Mirari Aranbarri, Iera L.Alberdi eta Iera L. Egigureni eta guraso bazkideetatik Beñat Bilbao, Leire Zaldua eta Jon Lizarralderi.

Azken albisteak

MUFOMI MUSEOA LH3

LH3ko ikasleek esperientzia aberasgarria bizi izan dute MUFOMI museoan. Ángel Tobajas-ren eskutik, uraren garrantzia eta Elgoibarko uraren jatorria ezagutu dituzte, esperimentu dibertigarri eta harrigarrien bidez.

ELKARTRUKEA DBH 2

Aurten ere, DBH 2. mailako ikasleok ikasturteko abentura handienetako bati aurre egin diogu: elkartruke bidaia. Gelako ateak eta ohiko errutina atzean utzita, esperientzia bikain honetan murgildu gara, motxilak urduritasunez, ilusioz eta ekintzez beteta.

ELIKAGAI BILKETA LH5

Lehen Hezkuntzako 5. mailako ikasleek Gipuzkoako Elikagaien Bankuak antolatutako elikagai bilketa kanpainan parte hartu dute. Kanpaina honen helburua uda aurretik biltegiak hornitzea da, behar gehien duten familiei laguntzen jarraitzeko.

SUHILTZAILEEN PARKEA LH5

LH 5. mailako ikasleak eta irakasleak Eibarko Suhiltzaileen Parkean izan dira, Ingurunea arloan lantzen ari diren lan-sektoreen gaia bertatik bertara ezagutzeko. Irteeraren helburu nagusia suhiltzaileen lanbidea gertutik ezagutzea eta larrialdi egoera baten aurrean hartu beharreko neurriak ikastea izan da.
Gehiago