Skip to main content

MUGIKORRIK GABEKO ASTEA (DBH3)

Portadako irudia

MUGIKORRIK GABEKO ASTEA! 

DBH3ko ikasleak mugikorraren erabilerari buruz hausnartzen ari dira "Komunitatearen zerbitzurako proiektuak" arloan. Horretarako, erronka berezi bati ekin diote: astebetez mugikorra ikastolan uztea.

Erronka honi ekin aurretik, "Sare sozialen auzia" dokumentala ikusi eta beren eguneroko mugikorren erabileraren inguruko testu bat idatzi dute, egoeraz jabetzeko eta hausnarketa sakonago bat egiteko. Erronka guztiz bolondresa den arren, ikasle askok utzi dute mugikorra zuzendaritzan baita arloko irakasleak ere!

Helburuak:

  • Teknologiaren erabileraz kontzientzia hartzea.
  • Gure harremanak eta eguneroko ohiturak nola aldatzen diren aztertzea.
  • Eguneroko emozioak idatziz jasotzea eta esperientzia honetatik ikastea.

Zer sentitzen dute? Zer espero dute? Astebete barru, bizitakoaren hausnarketa partekatuko dute!!

Eta zu, gai izango zinateke?

Azken albisteak

MAITANE ORMAZABALEN HITZALDIA LH6

LH 6. mailako ikasleek Maitane Ormazabal adituaren hitzaldian parte hartu dute, ikasleen gaitasun digitala eta emozionala lantzea helburu izan duen saioan. Jardueraren bidez, pantailek eguneroko bizitzan eta, bereziki, osasunean duten eraginaren inguruan hausnartzeko aukera izan dute.

BULEGOA ITXITA

Albiste honen bitartez abenduaren 19tik urtarrilaren 8rarte Elgoibar Ikastolako bulegoa itxita egongo dela jakinarazten dizuegu. Gabon zoriontsuak izan eta urte berri on!

GELA EGONKORRA

Irailean martxan jarri genuen gure Gela Egonkorra,eta poliki-poliki forma hartzen doa. Ikasgela hau ikasleen errealitate, ezaugarri eta interesetatik abiatzen den ikaskuntza-prozesuetan oinarritzen da, autonomia eta bizitza ahalik eta normalizatuena lortzeko behar dituzten trebetasunak garatuz.

ELKARTRUKEA DBH 1

DBH 1. mailako ikasleek ekintza berezia ospatu dute: Euskara eta Literatura arloan 1. unitatean egindako proiektuari amaiera emateko, Algortako San Nikolas ikastolako DBH maila bereko ikasleak etorri zaizkigu bisitan.
Gehiago