🌿 Erleak eta Liztor Asiarrak: Ikastolako Ekimen Berezia
Azken asteetan, gure ikastolako ikasleak erleen eta liztor asiarraren inguruko ikerketa berezi batean murgildu dira. Helburua metodo zientifikoa erabiliz, bi intsektu hauen arteko harremana ulertzea eta ingurumenari nola eragiten dioten jakitea izan da
Lehenik, liztor asiarren erlauntzen behaketa egin genuen ikastola inguratzen duten guneetan, naturarekiko jakin-mina piztuz. Ondoren, erleen ezaugarriak sakon aztertu ditugu, baita haien etsai nagusiak diren liztor asiarrak identifikatzeko teknikak ere.
Egun, liztor erreginak hasi dira habia berriak eraikitzeko lekuak bilatzen. Horri aurre egiteko, Agenda 30 programako arduradunek tranpak jarri dituzte ikastolako hainbat txokotan. Tranpa hauek liztor asiarrak harrapatzeko balioko dute, eta astero, bertan eroritako liztorren datuak bilduko dira. Bildutako informazio guztia Gipuzkoako Foru Aldundira bidaliko da, ingurumenaren babeserako neurri eraginkorrak hartu ahal izateko.
Ekimen honek ikasleei aukera eman die naturaren zaintzan aktiboki parte hartzeko, ikaskuntza esanguratsua sustatuz. Zorionak parte hartu duzuen guztiei! 🌼🐝
