Elosu-Polpol-Irukurutzeta mendi irteera, martxoaren 16an
Morkaikotik, Herri Eskola eta Ikastolako gurasoekin elkarlanean, martxoaren 16rako mendi irteera antolatu da. Ibilbidea Elosutik abiatuko da, eta Elosumendi, Polpol eta Irukurutzeta zeharkatuko dira.
Hasiera batean abenduaren 15ean egitekoa zen irteera, baina eguraldi txarra medio, bertan behera geratu zen. Oraingoan, berriz, Elgoibarko mugetan barrena egingo den ibilaldi honetan parte hartzeko aukera paregabea izango da.
Autoak Elosun utzi ostean, Elosumendi gailurrera igoko dira parte-hartzaileak. Handik, pago artean doan bide eder bati jarraituz, Polpolera helduko dira, eta bidean dolmenak zein Keixetako tumulu txukundua bisitatuko dituzte.
Eguraldiaren eta martxaren arabera, Irukurutzetara igotzeko aukera izango da, Gipuzkoa eta Bizkaiako bista zoragarriez gozatzeko. Bestela, beste bide batetik itzultzea ere posible izango da.
Irteera goiz-pasa moduan antolatu da, eta bazkal ordurako Elgoibarrera itzultzea aurreikusten da, nahiz eta nahi duenak egun osoko plana osatzeko aukera ere izango duen.
Elgoibarko inguruak ezagutzeko eta natura bete-betean bizitzeko aukera ezin hobea!
Informazio gehiago:
- Luzera:+/-12 Km.
- Desnibela: +/- 400m.
- Irteera: 9:30 .Mintxetako parkinean.
- Irteera nagusi zein gaztetxoeri zuzenduta dago.
- Umeak ezingo dira bakarrik etorri. Gurasoren bat arduradun etorri behar da.
- Eguraldiaren arabera irteerak aldetak izan ditzazke.
- Eguraldia dela eta abisu edo alertarik egon ez gero, irteera bertan behera geldituko da.
