Skip to main content

ORIENTAZIO AKADEMIKOA FAMILIENTZAT

DBH4ko Familientzako Orientazio Akademikoko Saio Informatiboa

Atzo, Ane Munin orientatzaileak DBH4ko familiei zuzendutako saio informatibo bat eskaini zuen, Orientazio Akademikoaren baitan. Saio honetan, DBH4 amaitu ondoren ikasleek dituzten ibilbide eta aukera desberdinei buruzko azalpenak eman zituen, eta familiek izan zitzaketen zalantzak argitzeko aukera izan zuten.

Ekitaldiak harrera bikaina izan zuen, eta parte-hartzaileek eskertu dute orientatzaileak emandako argibideak eta aholkularitza. Informazio-saio honek gurasoei eta tutoreei baliabide gehiago eskaintzea du helburu, ikasleen etorkizun akademikoari buruzko erabakiak hartzerakoan ziurtasun handiagoz jarduteko.

Eskerrik asko Ane Munini egindako lan bikainagatik eta familiei gerturatzeagatik!

Azken albisteak

ELIKAGAI BILKETA LH5

Lehen Hezkuntzako 5. mailako ikasleek Gipuzkoako Elikagaien Bankuak antolatutako elikagai bilketa kanpainan parte hartu dute. Kanpaina honen helburua uda aurretik biltegiak hornitzea da, behar gehien duten familiei laguntzen jarraitzeko.

SUHILTZAILEEN PARKEA LH5

LH 5. mailako ikasleak eta irakasleak Eibarko Suhiltzaileen Parkean izan dira, Ingurunea arloan lantzen ari diren lan-sektoreen gaia bertatik bertara ezagutzeko. Irteeraren helburu nagusia suhiltzaileen lanbidea gertutik ezagutzea eta larrialdi egoera baten aurrean hartu beharreko neurriak ikastea izan da.

UDALBATZARRA

Debegesarekin eta Udaleko Ingurumen Sailarekin elkarlanean, Elgoibar Ikastolak, Herri Eskolak eta Elgoibar BHIk martxoaren 9an Aita Agirre plazan egindako azoka solidarioaren proiektuaren balorazioa aurkeztu dute azken Udalbatzarrean, Eskola Agenda 2030 ekimenaren baitan.

MAKINA ERREMINTAREN MUSEOA LH1

Asteazkenean, LH1.mailako ikasleek Makina Erremintaren Museoa bisitatu zuten. Gelan lantzen ari diren makinen gaiarekin lotuta, makina desberdinak ezagutzeko eta haien funtzionamendua ikasteko aukera paregabea izan zuten.
Gehiago