Elgoibar Ikastolak bat egin du Lesboseko errefuxiatuentzako elikagai bilketarekin
Elgoibar Ikastolak Zaporeak proiektuaren ekimen solidarioarekin bat egin du, Lesbosen dauden errefuxiatuei laguntzeko elikagai bilketa antolatuz. Egoerak kritikoa izaten jarraitzen du han, eta elkartasunaren bidez, laguntza ematea da helburua.
Debabarrena eskualdeko herri bakoitzak produktu jakin bat bilduko du, eta Elgoibar Ikastolaren kasuan, garbantzu pedrosillanoa izango da bilduko den elikagaia. Kanpaina martxoaren 24tik 28ra egingo da, eta parte hartu nahi dutenek garbantzuak Ikastolara ekar ditzakete.
Horrez gain, Zaporeak elkartearekin Lesbosen boluntario izan diren Elgoibarreko Ane eta Nagorek hitzaldiak eskaini dituzte Ikastolan, bertako egoera eta proiektuaren garrantzia ikasleei azaltzeko. Elgoibar Ikastolak eskerrik beroenak eman nahi dizkie Ane eta Nagoreri, beren lan eskuzabal eta konprometituagatik.
Elkartasunak indarra du! Animatu eta parte hartu!
