Skip to main content

ERASMUS+ MARTINIQUE: PERMACULTURE FOR A SUSTAINABLE FUTURE 

Portadako irudia

ERASMUS+ MARTINIQUE: PERMACULTURE FOR A SUSTAINABLE FUTURE 

Bi irakasle eta lau ikasle Martinikan daude gure Erasmus+ proiektuaren barruan, permakultura ezagutzen eta ikasten!  Permakultura naturaren zikloak jarraitzen dituen nekazaritza-sistema bat da, ingurumenarekin orekan dauden praktikak garatzeko. 

 Proiektu honetan hiru bazkide eskoletako irakasle eta ikasleak elkarrekin ari gara permakultura praktikak gure ikastetxeetan ezartzeko. Helburu nagusiak:

  •  Ingurumen-arazo nagusien inguruko kontzientzia piztea
  • Aukera gutxiago dituzten gazteei parte-hartzea sustatzea
  • Permakulturaren onurak eta garrantzia zabaltzea
  • Ingurumenarekiko jarrera arduratsua eta bizimodu jasangarriagoa sustatzea
  • Ikasleen eta irakasleen Europar lankidetza eta elkarrekintza bultzatzea

 Zer lortuko dugu proiektu honekin?

  •  Permakultura baratzeak ezartzea gure ikastetxeetan
  • Permakulturari buruzko gida-liburu bat sortzea
  • Webgune bat garatzea, ekintzak eta emaitzak partekatzeko
  • Online aldizkari bat argitaratzea permakultura esperientziekin

 2015ean Nazio Batuek aurkeztu zuten Garapen Jasangarrirako 2030 Agenda , eta bertan bigarren helburua elikadura-segurtasuna bermatzea eta nekazaritza iraunkorra sustatzea da. Permakultura eredu bikaina da helburu hori lortzeko!

Azken albisteak

LH 6: FLYSCH

Urriaren 22an, asteazkenean, gure ikasleek irteera pedagogiko zoragarria egin zuten Zumaiara. Goizeko 9:00etan abiatu ziren tren geltoki nagusitik, eta eguna natura, zientzia eta abenturaz beterik igaro zuten Algorri Interpretazio Zentroan eta Flyscharen inguruan.

MENDI IRTEERA

Eguraldi iragarpenak ez ziren oso onak izan arren, goizeko 9:30ean elkartu zen 16 laguneko taldea plazan. Guraso eta haurrek, zira eta aterkiekin hornituta, mendi ibilaldi txiki bat egiteko gogoz abiatu ziren San Roke auzorantz.

ERASMUS +: ISTANBUL

Istanbulgo bidaia hasi da, eta dena ondo doa, gorabeherak gorabehera. Bi irakasle eta hamar ikasle bertaratu dira esperientzia berriak partekatzeko eta ikasteko prest. Hemen, permakulturaren proiektuan murgilduta gaude, jasangarritasuna ardatz izanik, eta mundu berdeago eta arduratsuago bat eraikitzeko lanean gabiltza.

MENDI IRTEERAK

Urriaren 26an ekingo diegu 2025-2026 ikasturteko haurren mendi irteerei. Irteerak Morkaiko Mendizale Elkarteak, Herri Eskolak eta Ikastolako gurasoek elkarlanean antolatu dituzte. Urritik maiatzera bitartean zortzi mendi irteera izango ditugu, inguruko mendiez eta naturaz elkarrekin gozatzeko.
Gehiago