Aste hauetan, Elgoibar Ikastolako DBHko ikasleek naturako jarduera bereziak izan dituzte, gorputza mugitu eta bizipen berriak eskuratuz.
🔹 DBH2ko ikasleek mendi orientazio tailerrak izan dituzte. Iparrorratza eta mapa erabiliz, taldeka aritu dira orientazio-jokoetan eta inguruko parajeak esploratzen. Jarduera honek autonomia, arreta eta talde-lana lantzeko aukera paregabea eskaini die, betiere ingurune naturalean.
🔹 DBH3ko ikasleak, berriz, eskalada irteeran izan dira. Eskalada praktikatuz, ausardia, oreka eta konfiantza landu dituzte, eta jarduera zirraragarri baten bidez kirolaz gozatzeko beste modu bat ezagutu dute. Esperientzia oso positiboa izan da ikasleentzat, bai erronka pertsonalak gainditzeko, bai taldearen babesa sentitzeko.
Elgoibar Ikastolan uste sendoa dugu bizipenez eta gorputzaren bidez ikasteak balio handia duela ikasleen garapen integralerako. Horrelako irteerak aukera paregabeak dira ikasteko, gozatzeko eta talde kohesioa sendotzeko.
