Skip to main content

NIZU PROGRAMA LH6

Portadako irudia

NIZU programaren amaiera LH6. mailan

Gaurkoan, Lehen Hezkuntzako 6. mailako ikasleek NIZU programaren azken saioa izan dute. Programa honen baitan, maiatzean Eibarko GUREAK enpresa ezagutzeko aukera izan zuten; bisita horretan, bertako langileen egunerokotasuna eta enpresaren funtzionamendua lehen eskutik bizitzeko parada izan zuten.

Gaur, berriz, Atzegiko profesional baten eskutik azalpen teorikoa jaso dute, aurrez ikusitako guztia ulertu eta sakontzeko. Saio honek balio izan du ikasitakoa biribiltzeko eta gogoetarako tarte bat eskaintzeko.

Azken albisteak

SEASKAKO EGUTEGIA

Urtero bezala SEASKAko egutegia dugu salgai. Badakizue salmenta honekin ateratzen den etekina Nafarroako eta Iparraldeko ikastolak laguntzeko erabiltzen dela. Aurten ere 4 € balio du. Animatu eta erosi, bulegoan dituzue.

INGELESEKO ANTZERKIA

Azaroaren 24an, astelehena, urtero bezala, ingeleseko programari osotasuna eta lotura emanez, jatorriz ingelesa den Face2Face antzerki taldearen ikuskizuna izango dugu.

AQUARIUMERA BISITA LH4

Lehen Hezkuntzako 4. mailako ikasleek irteera egin dute Donostiako Aquariumera. Ingurunearen arloan izaki bizidunei buruz landutakoa osatzeko aukera paregabea izan dute, eta bertan ikasitako kontzeptuak errealitatean nola islatzen diren ikusi ahal izan dituzte.

OMAKO BASOA LH3

LH3ko ikasleak Omako basoko magia ezagutzen izan dira: artea, natura eta irudimena bat egiten duten ingurune paregabe batean murgildu dira.
Gehiago