Skip to main content

MENDI IRTEERA: DEBA IBAIAREN ITURBURUA

Deba ibaiaren iturburura mendi irteera: Abenduak 14

Abenduaren 14rako, Morkaikotik, Herri Eskola eta Ikastolako gurasoekin elkarlanean, mendi irteera berri bat proposatzen dizuegu: Gatzagatik Hiruerreketara, Deba ibaiaren iturburura.

Autoz Gatzagaraino joango gara eta handik ibilbide zirkularra egingo dugu. Gatzaren Museo ondotik pasa eta Arlaban gainera igoko gara pago eta gaztainondo artean. Ez da ibilbide zaila, eta udazkeneko koloreez gozatzeko aukera paregabea izango da.

  • Luzera: +/- 8,5 kilometro
  • Desnibela: +/- 275 metro
  • Irteera: 09:30ean, Mintxetako aparkalekuan

Irteera nagusiei zein gaztetxoei zuzenduta dago, baina umeek guraso edo arduradun batekin etorri behar dute nahitaez.

Izen-ematea: Morkaikon ez da izenik eman behar, baina haurrek ikastolan edo eskolan eman beharko dute izena, ohi bezala.

* Eguraldiaren arabera irteerak aldaketak izan ditzake. ⛰️🥾

Azken albisteak

ADIERAZPEN PLASTIKOA

Ikastolako Eskolaz Kanpoko jardueren artean, Adierazpen Plastikoan, naturak eskaintzen dizkigun elementuak arte-lan eder bihurtu dituzte gure ikasleek.

GURE HAURRAK ERE BADIRA

Urriaren 1ean, Elgoibar Ikastolak bat egin du "Gure haurrak ere badira" ekimenarekin eta "Euskal Herriko hezkuntza Palestinarekin" mobilizazioarekin. LH eta DBHko ikasleak Erdiko Aretoan elkartu gara eta minutu bateko isilunea egin dugu, Palestinan bizi den egoeraren aurrean elkartasuna adierazteko.

KMK LAZKAO | AUTOBUSA ANTOLATU DUGU!

Iaz Elgoibarren bizi izan genuen Kilometroak, eta aurten Lazkaok hartu du lekukoa. Urriaren 4an, berriz ere euskararen eta ikastolen inguruan elkartzeko eta egun eder bat elkarrekin bizitzeko aukera izango dugu. Elgoibartik Lazkaorako joan-etorria errazteko, Elgoibar Ikastolatik autobusa antolatuko dugu.

BEKAK 2627

Eusko Jaurlaritzak 2026-2027 ikasturterako unibertsitatez kanpoko ikasketetarako beka eta laguntzen deialdia zabaldu du. Laguntzak, besteak beste, Haur Hezkuntza, Lehen Hezkuntza eta DBHko ikasleei zuzenduta daude.
Gehiago