Skip to main content

MENDI IRTEERA: DEBA IBAIAREN ITURBURUA

Portadako irudia
Deba ibaiaren inturburura mendi irteera Abenduak 14an
Abenduak  14rako Morkaikotik, Herri Eskola eta Ikastolako gurasoekin elkarlanean antolatutako mendi irteera berri bat proposatzen dizuegu: Gatzagatik Hiruerreketara. Deba ibaiaren iturburura. Autoz Gatzagaraino joango gara. Handik, Gatzaren Museo ondotik pasa eta Arlaban gainera igoko gara pago eta gaztainondoetatik barrena. Eguneko aldapa nagusiak hasieran egingo ditugu. Behin gaina hartuta, bide lasai eta lau samarra izango dugu Deba ibaiaren iturbururaino.  Ibilbide zirkularra da. Deba ibaiaren iturburu ondotik pasa ondoren, jaitsi Dorletako santutegi aldetik egingo dugu. Ez da ibilbide zaila eta pagadiz eta gaztainondoz osatutako basoek udazkenean duten kolore eta xarmaz gozatzeko aukera paregabea izango dugu.
  •  Luzera:+/- 8,5 Kilometro
  • Desnibela: +/- 275 m
  • Irteera: 9:30ean, Mintxetako parkinea
Irteera nagusiei zein gaztetxoei zuzenduta dago.  Umeak ezingo dira bakarrik etorri. Guraso edo bat arduradun etorri behar da. Izen ematea ez da beharrezkoa Morkaikon. Baina haurrek, Herri Eskolan edo Ikastolan eman beharko dute izena ohikoa den moduan.
Eguraldiaren arabera irteerak aldeketak izan ditzake.

Azken albisteak

MENDI IRTEERA: DEBA IBAIAREN ITURBURUA

Abenduak 14rako Morkaikotik, Herri Eskola eta Ikastolako gurasoekin elkarlanean antolatutako mendi irteera berri bat proposatzen dizuegu: Gatzagatik Hiruerreketara. Deba ibaiaren iturburura.

GERTURATZEN EGITASMOAREN 2. SAIOA

Abenduko Gerturatzen Egitasmoaren barruan, saio berezia antolatu da Haurtzaindegiko familientzat. Ekimen honen helburua hilabete honetan ere familiak ikastolara gerturatu eta elkarrekin une atseginak partekatzea da.

EUSKARAREN EGUNA IKASTOLAN

Euskararen Egunean, Elgoibar Ikastolak festa eta aldarrikapena eskutik hartuta bizi izan ditu egun osoan zehar egindako ekimenak. Euskarak hartu du erdigunea, baina ez hizkuntza gisa soilik: komunitatea, parte-hartzea eta elkarbizitza izan dira gaurko egunean ardatz.

SEBAS LARRAÑAGAREN BISITA BEREZIA

Sebas Larrañaga izan dugu ikastolan, Ikasketa burua eta irakasle ohia. LHko ikasle nagusiekin aritu da, frankismotik gaur egunera arte euskarak kalean eta ikastolan egin duen bideaz hitz egiten.
Gehiago