J. Gurrutxaga krosaren XXXI. ekitaldia antolatu dugu Elgoibar Ikastolan domekarako (apirilak 19). Elgoibarko eta Mendaroko 707 antxitxikarik eman dute izena.
Aurtengo edizioan, 17 lasterketa egongo dira.
Kamiseten banaketa 9:30etan hasi eta 10:15ean bukatuko da.
Lehenengoak, 2019an eta 2018an jaiotakoak, 10:30an abiatuko dira, lau taldetan banatuta, eta 328 metroko distantzia egingo dute korrika.
Orduerdira 2017ean eta 2016an jaiotakoak irtengo dira eta 609 metro egingo dituzte korrika.
11:30ean abiatuko dira 2015an eta 2014an jaiotakoak eta hauek ia kilometro bat egingo dute korrika, 943 metro.
Azken lasterketa 2013, 2012, 2011 eta 2010an jaiotako neska-mutilena izango da. 12:00an irtengo dira, eta 1.423 metroko ibilbidea egingo dute.
2009. urtetik aurrera jaiotakoek, beraiekin batera, hiru itzuli eman beharko dizkiote zirkuituari, 3.613 metro osatzeko.
Azken edizioan bezala, aurten, HH etapako ikasleek parte hartzeko aukera izango dute.
- HH 2: 10:00 Armueta harategia - helmuga (gurasoekin)
- HH 3: 10:05 Armueta harategia - helmuga (gurasoekin)
- HH 4: 10:10 San Frantzizko iturria - helmuga
- HH 5: 10:15 San Frantzizko iturria - helmuga
Lasterketa guztiak amaitu ostean, sari banaketa ekitaldia egingo dute Kalegoen plazan bertan.
