Skip to main content

JUUL KANPAINA

JUUL KANPAINA

Aurten ere, gure ikastolak irakurzaletasuna sustatzea helburu duen Juul kanpainan parte hartu du.

Azken hilabeteetan, LHko eta DBHko ikasleek ipuin ugari irakurri dituzte, eta atzo, Liburuaren Nazioarteko Egunarekin bat eginez, Nafarroako ikastolek antolatutako bozketa literario berezia ospatu genuen.

Egun horretan, gure ikasleak epaile bihurtu dira, eta irakurritako lanen artean gehien gustatu zaizkien ipuinak zein ilustratzaileak aukeratu dituzte. Irakurketa partekatzeko, iritzia emateko eta literaturaz gozatzeko aukera paregabea izan da.

Azken albisteak

SUHILTZAILEEN PARKEA LH5

LH 5. mailako ikasleak eta irakasleak Eibarko Suhiltzaileen Parkean izan dira, Ingurunea arloan lantzen ari diren lan-sektoreen gaia bertatik bertara ezagutzeko. Irteeraren helburu nagusia suhiltzaileen lanbidea gertutik ezagutzea eta larrialdi egoera baten aurrean hartu beharreko neurriak ikastea izan da.

UDALBATZARRA

Debegesarekin eta Udaleko Ingurumen Sailarekin elkarlanean, Elgoibar Ikastolak, Herri Eskolak eta Elgoibar BHIk martxoaren 9an Aita Agirre plazan egindako azoka solidarioaren proiektuaren balorazioa aurkeztu dute azken Udalbatzarrean, Eskola Agenda 2030 ekimenaren baitan.

MAKINA ERREMINTAREN MUSEOA LH1

Asteazkenean, LH1.mailako ikasleek Makina Erremintaren Museoa bisitatu zuten. Gelan lantzen ari diren makinen gaiarekin lotuta, makina desberdinak ezagutzeko eta haien funtzionamendua ikasteko aukera paregabea izan zuten.

50 JAI 50 TONTOR

Gure ikastolak bat egiten du 50 jai 50 tontor ekimenarekin! Ikastolako langileek, ikasleek eta familiek Hirukurutzetara igotzen dute, giro paregabean eta komunitatearen indarra ospatuz.
Gehiago