Ikasturte berriari hasiera eman diogu!
Atzo, irailaren 1ean, Elgoibar Ikastolako lankide guztiok berriro elkartu ginen ikasturte berriari hasiera emateko. Lehenengo eguna elkarrekin ikasten eta hausnartzen hasi genuen, Harremanak Elkartearen eskutik barne-sendotasunari buruzko prestakuntza-saio batean. Izan ere, ikasleak zaintzeko, laguntzeko eta hezteko, ezinbestekoa da gu geu ere sendo egotea, elkar zaintzea eta talde gisa hazten jarraitzea.
Eta gaur, lehen klaustroaren ondoren, ikastola berriro ere mugimenduan da. Taldeak elkartu, gelak prestatu, ideiak partekatu, azken xehetasunak lotu… datozen egunetan gure ikasleak hartzeko guztia prestatzen ari gara.
Ilusioz, gogoz eta erronka berriei elkarrekin heltzeko prest ekin diogu 2026-2027 ikasturteari. Badator ikasturte berria!
