Elgoibar Ikastolak antolatzen duen Pilota Eguna ospatuko dugu hurrengo larunbatean, martxoak 9. Ikastolako 6 eta 13 urte bitarteko neska-mutilek parte hartuko dute bertan. XXIV. Pilota Eguneko finalera sailkatu diren bikoteek Kalegoen plazako frontoian (euria egingo balu, ikastolan) jokatuko dituzte finalak, 10:30etik aurrera. Guztira hamalau partida jokatuko dituzte, 12 tantora. Barruan duzue goizean zehar parte hartuko duten pilotarien zerrenda.
Ikastolako Berriak
Morkaiko mendizale elkarteak, Ikastolako eta Herri Eskolako gurasoekin batera antolatzen dituen mendi irteeren baitan, irteera berria proposatzen digu martxoaren 10erako: Elgoibartik Azitainera (Eibar). Oraingoan ez dira urrutira joango. Herri bertatik abiatuko dira oinez. Xehetasunak barruan.
Begoña Arizmendi jangelako begiraleak aurtengo ikasturtean erretiroa hartu du, 20 urtez jangelako begirale izan ostean. Eskerrik asko urte guzti hauetan ikastolako jangelan egin duzun ekarpen eta lan guztiagatik. Etapa berriaz gozatzea opa dizugu, orain artean bezala, zure umorea leku desberdinetan zabalduz. Eskerrik asko Bego!!!
Eusko Legebiltzarrerako hauteskunde egunaren apirilaren 21erako iragarpena dela medio, Elgoibar Ikastolak antolatzen duen J. Gurrutxaga Krosa, egun bererako iragarrita zegoena, dataz aldatu beharrean ikusi gara. Hori dela eta, XXIX. J. Gurrutxaga Krosa apirilaren 14an izango dela aurreratzen dizuegu. Krosa antolatzen duen Batzordeak barkamenak eskatu nahi ditu data-aldaketak sor ditzakeen eragozpenengatik, eta egun berrirako hitzorduan elkar ikusteko gonbidapena egiten digularik.
Igande honetan, martxoaren 3an, 12:00etatik aurrera, "EMAKUME MASTER CUP" Emakumezkoen Esku Pilota Txapelketako finalerdiak jokatuko dira Ikastolako Frontoian. Jaialdia zuzenean emango du ETB1ek.
Otsailaren 27an Ordizian izan ginen Ikastolen VII. Batzarreko eskualdeko bileran zuzendaritzako eta Kontseilu Errektoreko kideak. Bileraren helburua Ikastoletan emango den eztabaida prozesuaren inguruko jarraibide eta zehaztapenak ematea izan da. Argazkian, Pasaian, 2024ko otsailaren 26an izan zen Ikastolen VII. Batzarraren aurkezpen agerraldia.
Astean zehar Orientazio akademikoarekin loturik hainbat irteera burutu dituzte gure DBH 4. mailako ikasleek. Hala, astelehenean Ideko Teknologi Zentrua bisitatu zuten Batxilergo Tekniko-Teknologikoan interesa agertu duten ikasleek; ostegunean, aldiz, Batxilergo Humanistikoaren aukerarekin bat egiten dutenen txanda izan zen. Hauek Alcorta Forging Groupera egin zuten bisita. Asteazkenean, guztiok egin zioten bisita egunean bertan hasiera eman zion Abian Lanbide Heziketako Azokari Eibarren.
Hainbat urteren ondoren, Gipuzkoako Ikastolen aldeko jaia Elgoibarren ospatuko da berriz ere. Gogotsu hartuko diogu Azpeitiko Ikasberri ikastolak utziko digun lekukoari. Erronka handia da, baina, era berean, gure komunitatea sendotzeko eta proiektua gizartetaratzeko aukera ezin hobea dela deritzogu. 1996ko egun euritsu hura gogoan, aukera berri bat izango dugu beste behin. 2025eko urriaren 5ean izango da hitzordua.