Bada urtebete Dislegi Debabarrena elkartetik Dislexiaren inguruko informazioa eta formazioa zabaltzen hasi direla Debabarrenan, eta batez ere Elgoibarren. Horren harira, apirilaren 20rako irakasle eta hezkuntza munduko adituei zuzendutako hitzaldi baterako gonbidapena luzatzen digute.
Ikastolako Berriak
Europako Egileen Eguna Europako Batzordearen ekimena da, belaunaldi gazteenak liburuen irakurketarekin birkonektatzeko eta Europako literaturaren aniztasuna aurkitzen laguntzeko sortua. Maite López Las Heras idazle eta irakasleak itzulitako Ibilbidea testuaren irakurraldiarekin ospatu dugu.
Lurra bustita baina animoa gainezka zela ospatu zen atzokoan Jose Gurrutxaga krosa. 10:30etatik aurrera, LH 1. mailatik gorako neska-mutil ugari batu ziren kaleetan, hamalau lasterketetan banatutako igande goiz emozioz betean.
Orereta eta Donostia lotu dituen euskara batuaren aldeko giza-katean parte hartu dugu! Gure DBH 2. mailako ikasleak izan dira bertan, kokaleku gisa egokitu zaigun Kursaaleko zubian, Gipuzkoako ikastoletako 8.000 pertsonek osatu dugun giza-kate erraldoian.
Zuhaitzak landatzera abiatu dira Idotorbe auzora LH 6. mailako gure ikasleak, Elgoibarko eta inguruko mendietako baso eta landareak aztertu eta biziberritzeko urteroko programari jarraituz.
Gaur LH1 mailakoak Arrikrutzeko kobetara joan dira hurrengo gaia Lehen Gizakiena izanik aurrezagutzak piztera. Bertan, koba ikusi, artelanak egin eta sua nola egiten den ikasi dute. Nahiz eta eguraldiak askorik ez lagundu primeran pasa dute asteari amaiera polit bat emanez...
Urrunera begira jartzeko moduko astea bizi izan dute ikastolako DBH 3. mailako ikasleek Erasmus + proiektuaren baitan. Hainbat elkar ezagutzez, ekintzez, elkalanez eta batez ere hainbat eta hainbat bizipenez beteriko astea izan da, Martinikako eta Turkiako ikasleak gure artean jaso eta elkarrekin bizi izan duguna. Hurrengo helmuga, Turkia.
Zaporeak Europara iristen diren errefuxiatuei janari duina eskaintzen dien irabazi asmo gabeko elkartea da. Egun, Grezian dauden errefuxiatu esparruetan janaria prestatzen dute harrapatuta dauden pertsona zaurgarrienen bizi baldintzak hobetzeko helburuarekin. Beste behin, garbantzu Pedrosillanoa biltzeko erronka luzatu digu.