Hamalau urteren ondoren, Ikastolen Elkarteko lehendakari postua utzi du Koldo Tellituk.
Ikastolako Berriak
Beste astebetez gure ikasleek arlo ezberdinetan egin duten lanketa biribiltzeko helburuz irteera- eta emanaldi-pedagogikoak izan dituzte. Hona hemen laburpena.
Gurasoak eredu gara euskararen erabileran. Ekainaren 10ean, Ikastola Egunean, erronka botatzen dizuegu gerturatzen zareten guraso guztiei Ikastolako sarreran pegatina jarri eta euskara hutsean jarduteko. Izan gaitezen eredu! Banoa banixe, *GURASUOK EUSKARAZ*, bai horixe!
Larunbat honetan, hilak 10, Ikastola Eguna ospatzen dugu. Goizean goizetik ekintza ugariz gozatzeko aukera izango dugu ikasturtea biribiltzeko antolatu den festa honetan. Animatu zaitezte eta etorri gurekin ondo pasatzera!
1962an ekin zion Elgoibar Ikastolak bere ibilbideari, euskal kulturaren aldeko mugimendua bultzatuz. Itziar Ajuria lehen urrats haietan parte-hartze aktiboa izan zuen, bertan lehen andereñoa izan zelarik. Garai hartan ametsak besterik ez zirenak gaur egun errealitate bilakatu dira, bide luze horretan eginiko ahalegina eta eskainitako lankidetza oinarri izan direlarik.
Elgoibar Ikastolako LH4. mailakoek Debegesak antolatzen duen “We make Debabarrena! STEAM erronka” lehiaketa irabazi dute Hiri maketa proiektuarekin.
Ikasturte amaierako ekintzekin jarraituz, Ikastolako zenbait ikasmailetako ikasleek irteera pedagogikoak izan dituzte astean zehar. Oraingoan HH02, HH03, LH1., LH2. eta LH6. mailakoak izan dira Euskal Herriko txoko ezberdinak ezagutzeko aukera izan dutenak.
Gizarte zientziak arloan lan sektoreak lantzen jarraitzen dute LH5. mailakoek. Aurreko astean suhiltzaileei eginiko bisitaz gain, gaia aberasteko helburuz, oraingoan erizaina den Mertxerekin solasaldi bat izateko aukera izan dute.