Ekintza desberdinak burutuz ospatzen ari gara emakumearen nazioarteko eguna. Gela barruan eta kanpoan, baita herrian ere, ikasleak ez ezik gurasoen partehartze irekiarekin, guztion sentsibilitateak astintzeko eguna bizi dugu gaur!
Ikastolako Berriak
Giro ederrean ospatu zen larunbatean XXIII. Pilota Eguna! Ikastolaren izenean eskerrak eman nahi dizkiegu berau antolatzen lagundu zuen Elgoibarko Lagunak pilota eskolako arduradunei, familiei eta bertaratu zineten lagun guztiei. Eskerrik asko, baita, bertan parte hartu zuten txapeldun guztiei ere!! Zorionak!!
LH 2. mailako ikasleak Albaola Itsas faktoriariara txangoa egin dute. Azken hilabete hauetan garai bateko "Euskal baleak, nabigatzaileak eta piratak" gaia ezagutzen aritu dira eta hori gertutik ikusteko bertaratu dira.
Elgoibarko Udalak udalerrian erabateko kardiobabes sistema ezartzeko sistema esleitu du, eta desfibriladoreak modu egokian erabiltzeko gaituta dauden boluntarioen sarea osatzeko egingo diren formakuntza saioetarako deialdia zabaltzea erabaki du. Hona asmo horrekin udalak bidalitako oharra.
Belaunaldien arteko topaketa desberdinak antolatu dituzte LH 5. mailako ikasleek. Batzuen jakituria eta besteen ezagutzak eta gaitasunak partekatzeko asmoz, ikasleen erdiek aiton-amonak elkarrizketatu dituzte beraien bizipenak eta kontuak jasotzeko helburuarekin. Beste alde batetik, gainetako ikasleek, taldeka, tailer desberdinak antolatu dituzte, Elgoibarko Jubilatuen Etxean burutuko dituztenak hurrengo egunetan.
Elgoibar Ikastolaren izenean, eskerrak eman nahi dizkiegu Udalari, Musika Eskolari eta hau aurrera ateratzen lagundu diguzuen ikasle, familia eta parte-hartzaileei, eta modu berezian kalejiran parte hartu zuten guraso guztiei, 2023ko otsailaren 17an Ikastolak antolatu zuen Euskal Inauteri egunerako emandako laguntzagatik.
Martxoaren 4an ospatuko dugun Pilotaren eguna berotzen, horra ekitaldiaren gosegarri bideo labur bat. Gu pilotarekin!!
https://vimeo.com/800791776/b20e994d33
Alexia plataformako Irakaslearen Koadernoa prest da jadanik. Gure profesional talde bat Ikastolen Elkarteko Josune Gerekarekin eta Amaia Triguerosekin bildu zen iragan otsailaren 16an, gure egitekoei balio erantsi nabariak eskainiko dizkion baliabide horren inguruan aritzeko. Bileran ondorioztatu ahal izan genuen bezala, gure Ebaluazio Hezigarria era praktiko batean aplikazio sistematikora eramateko tresna bihur daiteke Koaderno Digitala.