Elgoibar Ikastola hizkuntzen eta jasangarritasunaren zubi
Elgoibar Ikastolak nazioarteko bi elkarlanerako proiektu hartuko ditu datorren astean: Erasmus+ proiektua eta “Herri Txikiak, Hizkuntza Handiak” programa. Testuinguru horretan, Bretainia, Martinika eta Istanbulgo ikasle eta irakasleak izango ditugu gurean, maiatzaren 11tik 19ra bitartean.
Istanbulgo ikasleak atzo gauean iritsi ziren Elgoibarrera, eta Bretainia eta Martinikako partaideak gaur arratsaldean jasoko ditugu. Parte-hartzaileek egonaldiaren iraupen ezberdina izango dute, baina guztiak proiektu beraren baitan murgilduko dira.
Bi proiektu, helburu komun: hezkuntza, kultura eta hizkuntza aberastea
- Erasmus+: “Making peace with nature: Permaculture Gardens in my school” proiektuaren baitan, DBH 3. mailako ikasleak azken 15 hilabeteetan permakulturari loturiko lanketan aritu dira.
- Herri Txikiak, Hizkuntza Handiak: DBH 2. mailako ikasleek hizkuntza gutxituen inguruko lanketa garatu dute ikasturte honetan, eta elkartruke honek euren lana nazioarteko testuinguruan kokatzeko aukera eskainiko die.
Parte-hartzaileak:
- Bretainia (Diwan eskola-sarea): 30 ikasle eta 3 irakasle
- Martinika (Gérard Café Collège): 2 ikasle eta 2 irakasle
- Istanbul (Andolu Lisesi): 8 ikasle eta 2 irakasle
Gainera, Kutxa Fundazioaren laguntzari esker, Elgoibarko paisaia linguistikoa eta hizkuntza-kontzientzia lantzeko "KLIK – ELKARTRUKAKETA. Hizkuntzen zubia” izeneko ekintza burutuko da herrian.
Ikastolatik mundura: hizkuntzak, jasangarritasuna eta elkarbizitza ardatz hartuta.
