DBH4KO AGURRA
Ez dira amaierak izaten esaten dizkiguten modukoak. Eta agian horixe bera da une hauen zailtasunetako bat: bizitzako momentu batzuk amaiera gisa izendatzen dira, amaiera ez direnean —ez behintzat guztiz—. "Amaitu da", esaten dugu batzuetan, baina benetan, dena jarraipen bat da, aldaketa bat, pasabide bat. Batzuetan ia oharkabean igarotzen den muga bat. Gaur, DBH4 amaitzen duzuen egunean, ez zarete iritsi punturen batera; puntu batetik pasatzen ari zarete. Batetik irten, eta beste batera begira jartzen.
Ez dago behin betiko amaierarik, joango zarete ikusten, ezta hasiera argirik ere. Badaude, ordea, pausoak. Eta pauso horiek uzten dute arrastoa. Zuek ere arrasto bat utzi duzue hemen, eta hemendik aurrera ikastolaren parte izango zarete betiko.
Familiak, zuei ere, bihotzez eskerrak. Urte luzez gure alboan egon zaretelako, elkarlanean, eta erakutsi diguz
