Aste honetan LH 1-2 eta DBH 1-4 mailetan Irakurgalun egitasmoa jarri da martxan.
Ikastolako Berriak
Gure ikastolan izan da aste honetan liburu ibiltaria. Ziburuko Piarres Larzabal ikastolan ibilera hasitako liburuak laugarren urratsa eman du aste honetan Elgoibarren.
La Basu DBH3ko ikasleekin izan dugu astean zehar "Musikariak Ikastetxean" programaren baitan. Rapeatzaileak bere musika ibilbideari buruzko hitzaldia eskaini zigun, azalpenak bere kantekin tartekatuz.
LH5eko ikasleek inguruneako proiektu bezala herbario bat osatu beharko dutela aprobetxatuz, Elgoibarko kale eta auzoetan zehar zuhaitzak aztertzen ibili dira astean zehar
Morkaiko mendizale elkarteak Ikastolako eta Herri Eskolako gurasoekin batera antolatutako mendi irteeren baitan, mendi irteera berria proposatzen digute azaroaren 12rako: Lekoitzeko portutik Urregarai edo Imotz mendira.
LH 1, 2 eta 3. mailako ikasleak irteerak burutzen ari dira herriko liburutegira asten zehar. Liburu berriak ezagutu, irakurzaletasuna sustatu eta ipuin eta liburuez gozatzeko aukera paregabea gure gaztetxoentzat.
Gau beltzaren inguruan LH 4. mailako ikasleek ere hainbat ekintza burutu dituzte, horien artean “Kezkamuxelak” ipuina kontatu eta kezkamuxelak egin, gauean ohera sartu aurretik beraien beldurrak kontatzeko. Horretaz gain, gaiarekin lotutako dokumentala ikusi eta ondoren bakoitzak bere beldurra papertxo batean idatzi eta BAGA BIGA HIGA abestia abestuz su eman genien, hauek uxatzeko.
Astelehenean, urriaren 30ean, LH 1. mailakoek Naiara Martin, "Kanela, kalabaza, gatxak" izeneko liburuaren idazlea gonbidatu genuen ikastolara. Gaba Beltzaren testuinguruan kokatzen den istorioa kontatzen du ipuinak eta bere ahotan entzuteko aukera izan genuen. Eskerrik asko Naiara!