Ikastolako Berriak

Larunbat goizean ikastolako postuak prest izan dira lehen ordutik Elgoibarko III. Zientzia Azoka egunari gure ikutua emateko. Gure ikasleen proiektuak kalera atera ditugu herriak ikus ditzan. Zorionak zientzialari gazteei!

Maiatzaren 23an, osteguna, arratsaldeko 18:30ean aurkezpen-bilera egingo zaie DBHko familiei Hedatze proiektua azaltzeko. Bilera amaitu ondoren, bozketa prozesua zabalduko da eta maiatzaren 29ra arte bozkatu ahal izango da. Informazio gehiago barruan ikus dezakezue.

Eskualdeko ikastetxeetan ikasturtean zehar Zientziaren eta teknologiaren esparruan egindako proiektuak biltzen ditu We Make Debabarrena! STEAM erronkak. Hemen dituzue ikusgai gure lanak! Irabazlea aukeratzeko prozesuan ikustaldi gehien dituen bideoa aintzat hartuko da!

Ikastolako eta Euskal Herriko Confint bilerak (Agenda 30etik bideraturiko Nazioarteko Gazteen Konferentzia) izan ditugu maiatzean. Energia gaiaren inguruko gogoetak partekatu dira bertan, datorren urteko Estatuko ordezkariak aukeratzeko bozkaketa prozesuari hasiera emateaz gain. Irudian, Busturiara joandako gure ordezkaritza.

Lehen hezkuntzako 1.mailako ikasleak lehen gizakiak gaia lantzen aritu dira hiruhileko honetan. Landutakoarekin lehen gizakiak nola bizi ziren agertzen duen jaialdi ederra egin zuten. Hona hemen bertatik iritsi zaizkigun argazkiak.

Urrian landatutako kipulinak eta ziazerbak jasotzeko garaia iritsi da. DBH1. mailako zenbait ikaslek kipulinak batu, garbitu eta jangelara eraman dituzte astean. LH3-4koek, berriz, ziazerbak. Lurra harrotu eta ongarrituta utzi dute, datorren astean landaketarako prest. Horra baratzetik iritsi zaizkigun irudiak.