Pasa den asteko haizetearen ondorioak nabariak dira gure baratze xumean. Kalabazina eta artoa kaltetu dira. Hala ere, piper eta pipermin gutxi batzuk batu eta jangelara eraman ditugu. Datorren egunetan, giro egokia egiten badu landaketa berriak egingo ditugu. Informatuta edukiko zaituztegu.
Ikastolako Berriak
Irudia
Seigarren mailako ikasleak antzerki-saioak hasi dituzte eta astean, ordubete eskainiko diote jarduera honi. Saio hauen helburua euskararen erabilera bultzatzea, trebetasun sozialak indartzea, genero-berdintasuna lantzea eta antzerkiaren bidez sormena eta talentu artistikoa sustatzea da.
Irudia
Urtero bezala, Agenda 30eko ikasle eta irakasle arduradunen taldea osatu berri dugu. Aurtengoan gai berria lantzen hasiko gara: Ekoizpen eta kontsumo arduratsua.
Irudia
Urriaren 1ean, ikasturteari hasiera emateko Eskola Kontseiluaren bilera deitu zen. Bertan, kontseilariei, 2024-25 ikasturteko antolaketa, lan-ildoak eta plangintza aurkeztu zitzaien. Horrez gain, zuzendaritza talde berria aurkeztu zen eta kontseilariek bere onespena eman zioten.
Irudia
Urriaren 6an giro ezin hobean ospatu ziren Kilometroak Azpeitian. Bertan jaso genuen lekukoaren aldaketa. 2025eko urriaren 5ean Elgoibarren ospatuko dira.