Ikastolako Berriak

HH05eko ikasleek Azpeitiko Tren Museoa bisitatu zuten. Bertan, antzinako trenak eta haien funtzionamendua ikusi eta ezagutzeko aukera izan zuten.

Pasa den ostiralean, HH4ko ikasleek ikasturte amaierako txangoa Azpeitiko Ekoetxean egin zuten. Bertako langileek harrera beroa egin zieten, eta hiru multzotan banatuta, hondakinen gaia lantzen aritu ziren.

Aste honetan baratzean landaketa berriak egin ditugu: azelgak eta porruak landatu dituzte gure ikasleek. Baina oraingoan esperientzia berezia izan da, laguntzaile apartak izan baitituzte: Erasmus+ programako ikasleak!

Lehen Hezkuntzako 2. mailako ikasle eta irakasleek Orioko egonaldiaz gozatzeko aukera izan dute. Askorentzat etxetik kanpoko lehen bizipena izan da, eta, horri esker, autonomia eta elkarbizitza lantzeko aukera paregabea izan dute.

Atzo, Haur Hezkuntzako 2. mailako ikasleek dantza emanaldia eskaini zuten erdiko aretoan, irakasleen laguntzarekin. Gogo handiz prestatu zuten saioa, eta ikusleek ederki gozatu zuten haien mugimendu eta irribarreekin.

Pasa den astean, Lehen Hezkuntzako 4. mailako ikasle eta irakasleek Arotz-Enean egonaldi zoragarria izan zuten. Bertan, natura eta sormena uztartzen dituzten jarduera ugari egin zituzten.