Eguraldiak hala behartuta Ikastolan ospatu behar izan dugu Inauterien festa koloretsua. Irudietan agertzen den bezala ikastolako kanpoko pistak haurrez bete dira, Zanpantzarrak, Bolantak, Txatxoak... Euskal Inauterietako pertsonaia guztiak bertan zirela.
Ikastolako Berriak
Ikastolako Agenda 30 proiektu barruan ENERGIA gaia lantzen ari dira, eta aurtengo helburuetako bat familietan energia gutxiago kontsumitzeko ohiturak barneratzea da. Asmo horrekin, eta otsailaren 14a mundu mailako Energiaren dela aitzaki hartuta, horretan dabiltzan ikasleek galdetegi bat prestatu dute familietan banatzeko.
Lehen Hezkuntzako 2. mailako ikaslea den Luka Garate Bastidak irabazi du Udal Liburutegiko orri-markagailu lehiaketa bere kategorian, LH 5era arteko mailan. Gotzon Garate Udal Liburutegiak antolatutako lehiaketa honetan Berdinak ala desberdinak gara? lelopean egindako lanak bildu dira. Irudian, irabazlea. Zorionak!!
Aste honetan gure ikasleak energia tailerrak jasotzen ari dira Ekooiz Elkarteko Joseba Zabalaren eskutik. Ikastolako hainbat mailatako ikasleak pasako dira bertatik: Abenduan LH4koek jaso zuten bezala, aste honetan LH2, LH6 eta DBH2ren txanda izan da.
Irudian agertzen den bezala, ikastolako atarian hasita herri osoan zehar aritu ziren astelehenean Lehen Hezkuntzako maila desberdinetako ikasleak, herri osoan zehar makil hotsa entzunaraziz. Hona Ikastolak ateratako bideoa egun horren inguruan.
P.M. Urruzuno Kooperatibako Ohiko Batzar Nagusia ospatu zen urtarrilaren 30ean. Bertan, iazko ikasturteko kudeaketa eta balantze ekonomikoak onartu ziren eta ikasturte berrikoak ezagutzeko aukera ere izan genuen. Jon Lizarralde lehendakariaren eta Erretore Kontseilu berriztuaren estreinaldiko agerpenak izan genituen. Era berean, Itziar Ondarra Ikastolako zuzendariaren aurkezpena izan zen Batzar Nagusi batean.