Skip to main content

Tanta ekimena

2023/05/17
Tanta ekimena

TANTA EKIMENA

 

Ikastolako komunitate kidea, agur t’erdi.

Tantaz-tanta osatzen da elkartasuna; bakoitzak jartzen duen aletik, tanta horretatik. Ikastolok badakigu, ongi jakin ere, elkartasuna zer den. Sortu ginenetik jaso izan dugu, eta horri esker atera dugu aurrera ikastolen proiektua.

Zer da TANTA?

Euskal Herriko berezko hezkuntza proiektuaren aldeko elkartasun adierazpena da TANTA, herritarrek Euskal Herriko ikastolen proiektuaren alde ekarpena eginez egikaritzen dena. BOST EUROko elkartasun txartel batzuk dira, eta erosleek, trukean, 60.000 EUROko zozketa batean hartuko dute parte.

Nork bultzatzen du TANTA?

TANTA ekimenaren sustatzaileak Euskal Herriko ikastolak dira. Elkartasunean, auzolanean eta elkarlanean oinarritutako sarea ehunduz, lurraldeetako ikastolen urteroko bost jaien testuinguruan eramango dute aurrera egitasmoa.

Noiz egingo da zozketa?

60.000 EUROko sari honen zozketa, 2023ko EKAINAREN 24an egingo da, notario aurrean. Bi zenbaki hautatuko dira, irabazlea eta ordezkoa. Zozketaren emaitza jaietako webguneetan eta Ikastolen Elkartearenean jakinaraziko da, bai eta hauen sare sozialen bidez ere. Zenbaki irabazlearen jabeak hilabete bateko epea izango du berau eskatzeko. Epea agortuta, ordezko zenbakia duenak jasoko du saria.

Zer eskatzen dizuegu?

TANTA ekimenak bi xede ditu: ekonomikoa eta soziala. Helburu soziala lortzeko, TANTA erosiz,  jendeari bere atxikimendua eskatzen diogu. Horregatik, TANTA zuen artean saltzeko laguntza eskatzen zaigu eta Elgoibar Ikastolako Kontseilu Errektoreak garrantzitsua ikusi du laguntza hau eskaintzea. 

Mila esker zuen laguntzagatik. Agur bero bat.

 

IKASTOLAKO LEHENDAKARIA

Azken albisteak

2024-05-24
Erronka honen helburua da ikasle eta zentroen STEAM bokazioak sustatzeko egiten duten esfortzua erakustea eta STEAM hezkuntzan balioan jartzea. Irabazlea aukeratzeko prozesua ikustaldi gehien dituen bideoak eta epaimahaiak kategoria bakoitzean aukeratu duenaren arteko bataz bestekoak izan da, eta LH 4. mailan saria irabazi dugu Energia berriztagarrien maketarekin. Zorionak!
2024-05-24
2024-2025 ikasturteari begira irakastorduen banaketari lotutako berrikuntza proiektua (HEDATZE) aurkeztu zitzaien atzoko egunean DBHko gurasoei. Onartua izan dadin, gurasoen gehiengo baten aldeko botua da beharrezkoa, eta asmo horrekin izan zen atzokoan aurkezpena eta eman zitzaion bozketa prozesuari hasiera. Bozkatzeko aukera maiatzaren 29ra arte dago irekita.
2024-05-23
SD Eibar Fundazioak abian jarritako "EUSKARAREN BALOIA" proiektuan irabazle izan ostean, lehen mailako jokalarien autobusean Atxabalpeko entrenamendura bisita egiteko aukera izan dute, aste honetan, gure LH 3. mailako ikasleek. Horra bertatik iritsi zaizkigun irudiak.
2024-05-23
Eskola Agenda 2030en azken txanpara iritsi gara. Maiatzaren 30ean, ostegunean, pleno txikia izango da Udaletxean. Udal agintariekin bilduko gara eta egindako lana aurkeztuko da bertan; besteak beste, etxeetan buzoneatutako esku orriak, kaleetan ikus ditzakezuen kartelak, sare sozialetan igoko diren bideotxoak eta gazteleku eta ludotekarako pegatinak. Ekimenaren helburua energia kontsumo arduratsua bultzatzea izan da; beraz, pleno txikiaren ondoren ere jarrai dezagun lanean udalerri jasangarriago baten alde!