Ikastolako Berriak

Ikasturte berriari hasiera eman diogu!

Ikasturte berriari hasiera emateko, familientzako bilera presentzialak egingo ditugu irailean. Bilera hauetan ikasturtearen aurkezpena egingo da, etaparen metodologia-ezaugarriak azalduko dira eta familiek galderak eta ekarpenak egiteko aukera izango dute.

Elgoibar Ikastolan DBHko bi ordezkapen egiteko irakasleak behar ditugu. Pertsona konprometitu, dinamiko eta talde-lanerako gaitasuna duen profesionala bilatzen dugu, ikasleen garapen akademiko zein pertsonalean ekarpena egingo duena.

Azpeitiko Ikastolak saldutako Tanta txartelak irabazi du aurtengo zozketa. Euskal Herriko Ikastolen aldeko Tanta zozketaren zenbaki saritua 69.834 izan da, eta txartelaren jabea azaldu da jada.

LH4ko eta LH5eko 240 ikasle inguruk parte hartzen dute ikasturtero Elgoibarko Udalak finantzatutako eta Gipuzkoako Bertsozale Elkarteak gidatutako “Gu ere bertsotan” egitasmoan.

Atzo, erdiko aretoan, zuen ikastolako ibilbideari amaiera emateko diploma banaketa ekitaldia ospatu genuen. Zuetako asko gurekin hazi eta hezi zarete, txiki-txikitatik: lehen urratsak, lehen lagunak, ikaskuntzak, erronkak eta bizipen ahaztezinak elkarrekin partekatu ditugu.

Elgoibar Ikastolan ere bat egin dugu “Gure haurrak ere badira” ekimenarekin, Palestinako haur eta nerabeei gure elkartasuna adierazteko.

LH3ko ikasleek esperientzia aberasgarria bizi izan dute MUFOMI museoan. Ángel Tobajas-ren eskutik, uraren garrantzia eta Elgoibarko uraren jatorria ezagutu dituzte, esperimentu dibertigarri eta harrigarrien bidez.