Ikastolako Berriak

Aurreko asteazkenean, azaroaren 26an, Ikastolen 29. Jardunaldi Pedagogikoak ospatu ziren Donostiako Kursaalen, “Bagatoz, inklusiotik ekitatera” goiburupean. Euskal Herri osotik iritsitako ia 600 hezkuntza profesionalek parte hartu zuten jardunaldietan, hezkuntza inklusibo eta ekitatezkoaren aldeko hausnarketa eta konpromisoa partekatuz.

Abenduaren 16an, asteartea, PM Urruzuno Kooperatibaren urteko Ohiko Batzar Nagusia ospatuko da. Batzarra hiru deialditan egingo da: lehen deialdia 17:30ean, bigarrena 18:00etan eta hirugarrena 18:30ean.

Poz handiz jakinarazi nahi dizuegu Elgoibar Ikastolari buruzko dokumentalaren estreinaldi ofiziala abenduaren 10ean ospatuko dugula, 19:00etan, Herriko Antzokian. Bihotzez gonbidatzen zaituztegu egunean gurekin egotera, iraganak, orainak eta etorkizunak bat egingo duten une honetan.

Euskararen Eguneko girotze jardueren barruan, gure ikastolan bi bisita apartak izan ditugu. HH3, HH4 eta HH5eko geletara Marisabel eta Marijose andereñoak etorri dira, urte luzez Haur Hezkuntzan irakasle izandakoak.

LH3ko ikasleak oso pozik aritu dira Kimu materialarekin lanean, Jakelinen egunerokoa irakurtzen eta liburuaren ariketa desberdinak egiten. Liburuaren egilea, Nerea Ibarzabal, idazle eta bertsolaria, gure ikastolara etorri da, eta ikasleek zorte handia izan dute berarekin solasaldi bat izateko.

Santa Zezilia eguna ospatu da Elgoibar Ikastolan, eta eguraldiak kalea lapurtu digun arren, festa ez digu kendu. Erdiko aretoa musikaz bete dute gure ikasleek, giro alaia eta benetan berezia sortuz.

Gure ikastolako bi irakasle eta bost ikasle Istanbulen dira egunotan CAMINO – Creating Accessible, Multicultural, Inclusive Networks in Education Erasmus+ proiektuaren esparruan.

Egokitzapen garaia amaituta, talde bakoitzak bere erritmoa eta dinamika propioa hartzen joan da. Testuinguru horretan, familiei ikastolara gerturatzeko aukera paregabea eskaini diegu Gerturatzen egitasmoaren lehen saioan.