Ikastolako Berriak

Aste honetan landaketa berriak egin ditugu. LH3-4ko ikasleek tomate cherryak landatu dituzte eta DBH1-2koek piparrak. HHkoek, berriz, geraneo eta margarita batzuk erein dituzte hazitegietan, pixkat gehiago hazi ahala, lorontzietara pasatuko dituztenak. Atxurraren kluba arduratuko da hauek ureztatu eta zaintzeaz. Horretaz gain, teknologiako klaseetan, egurrezko kartelak egin dituzte eremu bakoitza bereizteko. Argazkietan ikus dezakezue zein ederrak diren.

Bizkaiko ikastolen jaia Maiatzaren 26an Getxon ospatuko da, "Txonbo" lelopean. Sartu ibilaldiren webgunera informazio gehiago eskuratzeko.

Ikastolako eta Euskal Herriko Confint bilerak (Agenda 30etik bideraturiko Nazioarteko Gazteen Konferentzia) izan ditugu maiatzean. Energia gaiaren inguruko gogoetak partekatu dira bertan, datorren urteko Estatuko ordezkariak aukeratzeko bozkaketa prozesuari hasiera emateaz gain. Irudian, Busturiara joandako gure ordezkaritza.

Urrian landatutako kipulinak eta ziazerbak jasotzeko garaia iritsi da. DBH1. mailako zenbait ikaslek kipulinak batu, garbitu eta jangelara eraman dituzte astean. LH3-4koek, berriz, ziazerbak. Lurra harrotu eta ongarrituta utzi dute, datorren astean landaketarako prest. Horra baratzetik iritsi zaizkigun irudiak.

Igandean Herri Urratsera autobusean joandako lagun taldea. Aipatzekoa autobusean ez ezik euren kabuz ere beste elgoibartar mordoxka bat bildu zela Senpereko laku inguruetan. Izandako arrakasta ikusirik, Nafarroa Oinezerako ere autobusa ateratzea espero da. Adi egongo gara!

Zientzia Azokaren helburua zientziaren eta teknologiaren arloan lantzen diren proiektuak herriari erakustea izanik, dagoeneko azken ukituak ematen ari gara gure proiektuei bihar 11:00etatik 14:00etara ospatuko den erakusleiho erraldoirako.

Itzulia Women 2024 lasterketaren harira antolatu diren eguneko ekintzetan parte hartu dugu. LH 3-4-5 eta 6. mailako ikasleentzat ekintza desberdinak antolatu dira, hala nola, Dantza Urbanoa, Herri Kirolak eta jolasa. Ekintza hauek Kalegoen plazan eta Leku Eder inguruan izan dira. DBH 1 eta 2koentzat ere antolatu da ekintza.

'Euskararen Baloia' ren laugarren edizioko irabazleak aukeratu dira eta beraien artean dira gure LH 3. mailako ikasleak. Haur eta gazteen artean euskararen erabilera sustatzeko SD Eibar Fundazioak antoladu duen ekintza honetan, Ermua, Elgoibar eta Eibarko hamar ikastetxeen artean gurea aukeratu dute saridun. Zorionak!!!