TREBA Gurasoak ekimenak eta Elgoibarko Udalak ‘Bullying egoerak minimizatzeko ingurune seguruak nola sortu’ izeneko hitzaldia antolatu dute martxoaren 22rako. Ortzadar izango da Aita Agirre Kulturgunean 18:00etan hasiko den ikastaroaren prestatzailea. Doakoa da eta gaztelaniaz eskainiko da.
Ikastolako Berriak
2023-03-10
Bertso-giro ederrean igaro dute goiza Eskolarteko Bertso Lehiaketan parte hartu duten ikasleek. Mutriku, Soraluze eta Herri Eskolako hainbat gazte gurean hartu ditugu, gureak barne guztira LH 4tik DBH bitarteko 77 ikasle bildu direlarik hainbat gelatan idatzizko proba egitera. Amaieran, musika gelan bertso-saio ederraz gozatzeko aukera izan dute guztiek!
2023-03-09
Udaberrian ohikoa dugun kanpaina hastera doa: Errigora, Nafar hegoaldeko uzta eskutik eskura. Eguneroko kontsumo ohituretan eragiteko jaio zen kanpaina honetan Nafarroa hegoaldeko oliba-olio birjina estra eta kontserba-sortak eska daitezke, auzolanari esker, norbere herrian ekoizlearen jatorrizko prezioan. Egin bat!
2023-03-08
Ekintza desberdinak burutuz ospatzen ari gara emakumearen nazioarteko eguna. Gela barruan eta kanpoan, baita herrian ere, ikasleak ez ezik gurasoen partehartze irekiarekin, guztion sentsibilitateak astintzeko eguna bizi dugu gaur!
2023-03-06
Giro ederrean ospatu zen larunbatean XXIII. Pilota Eguna! Ikastolaren izenean eskerrak eman nahi dizkiegu berau antolatzen lagundu zuen Elgoibarko Lagunak pilota eskolako arduradunei, familiei eta bertaratu zineten lagun guztiei. Eskerrik asko, baita, bertan parte hartu zuten txapeldun guztiei ere!! Zorionak!!
2023-03-02
LH 2. mailako ikasleak Albaola Itsas faktoriariara txangoa egin dute. Azken hilabete hauetan garai bateko "Euskal baleak, nabigatzaileak eta piratak" gaia ezagutzen aritu dira eta hori gertutik ikusteko bertaratu dira.
2023-03-01
Elgoibarko Udalak udalerrian erabateko kardiobabes sistema ezartzeko sistema esleitu du, eta desfibriladoreak modu egokian erabiltzeko gaituta dauden boluntarioen sarea osatzeko egingo diren formakuntza saioetarako deialdia zabaltzea erabaki du. Hona asmo horrekin udalak bidalitako oharra.
2023-03-01
Belaunaldien arteko topaketa desberdinak antolatu dituzte LH 5. mailako ikasleek. Batzuen jakituria eta besteen ezagutzak eta gaitasunak partekatzeko asmoz, ikasleen erdiek aiton-amonak elkarrizketatu dituzte beraien bizipenak eta kontuak jasotzeko helburuarekin. Beste alde batetik, gainetako ikasleek, taldeka, tailer desberdinak antolatu dituzte, Elgoibarko Jubilatuen Etxean burutuko dituztenak hurrengo egunetan.