Ikastolako Berriak

Zaporeak Europara iristen diren errefuxiatuei janari duina eskaintzen dien irabazi asmo gabeko elkartea da. Egun, Grezian dauden errefuxiatu esparruetan janaria prestatzen dute harrapatuta dauden pertsona zaurgarrienen bizi baldintzak hobetzeko helburuarekin. Beste behin, garbantzu Pedrosillanoa biltzeko erronka luzatu digu.

Erasmus+ proiektuak Turkiako eta Martinikako ikasleak ekarriko ditu Elgoibarrera. Hemen izango dira martxoaren 20tik 25era bitartean, eta tarte horretan askotariko ekintzetan parte hartuko dute nazioarteko proiektua garatzen jarraituz, gure kulturan murgilduz eta gure txokoak ezagutuz. Irudietan, igandean Elgoibarrera iritsi zirenTurkiarrei eginiko harrera. Martinikako espedizioa gaur bertan iritsiko da... Hoş geldin guztiei!!

Abadiñoko Alluitz Naturara egindako irteeran hainbat tailer desberdinetan aritu dira gure DBH 3. mailako ikasleak. Burutzen ari diren proiekturako ortu bertikalaz gain, animaliekin egoteko eta gaztaren produkzioa eta talogintzan aritzeko aukera eman die irteerak.

Erasmus+ proiektuak Turkiako eta Martinikako ikasleak ekarriko ditu Elgoibarrera. Hemen izango dira martxoaren 20tik 25era bitartean, eta tarte horretan askotariko ekintzetan parte hartuko dute nazioarteko proiektua garatzen jarraituz, gure kulturan murgilduz eta gure txokoak ezagutuz. Hau guztia Elgoibar Ikastolaren gidaritzapean eta Elgoibarko Udalaren laguntzaz bideraturik.

Izaki bizidunen bizi-funtzioak eta horien artean animalia ezberdinen ugalketa aztertzen ari direla, txita kumeen jaiotza bertatik bertara bizi dute egunotan ikastolako Haur Hezkuntzako liburutegian. Dagoeneko kanpoan dira jaiotako txitak. Horietako baten jaiotza jasotzen duen bideo txiki bat prestatu dugu...

Morkaikotik Herri Eskolako eta Ikastolako gurasoekin elkarlanean antolatutako mendi irteera Lekoitzeko portutik Urregarai edo Imotz mendira proposatzen digute martxoaren 19rako.

TREBA Gurasoak ekimenak eta Elgoibarko Udalak ‘Bullying egoerak minimizatzeko ingurune seguruak nola sortu’ izeneko hitzaldia antolatu dute martxoaren 22rako. Ortzadar izango da Aita Agirre Kulturgunean 18:00etan hasiko den ikastaroaren prestatzailea. Doakoa da eta gaztelaniaz eskainiko da.

Bertso-giro ederrean igaro dute goiza Eskolarteko Bertso Lehiaketan parte hartu duten ikasleek. Mutriku, Soraluze eta Herri Eskolako hainbat gazte gurean hartu ditugu, gureak barne guztira LH 4tik DBH bitarteko 77 ikasle bildu direlarik hainbat gelatan idatzizko proba egitera. Amaieran, musika gelan bertso-saio ederraz gozatzeko aukera izan dute guztiek!