Aste honetan baratzean landaketa berriak egin ditugu: azelgak eta porruak landatu dituzte gure ikasleek. Baina oraingoan esperientzia berezia izan da, laguntzaile apartak izan baitituzte: Erasmus+ programako ikasleak!
Ikastolako Berriak
Irudia
Lehen Hezkuntzako 2. mailako ikasle eta irakasleek Orioko egonaldiaz gozatzeko aukera izan dute. Askorentzat etxetik kanpoko lehen bizipena izan da, eta, horri esker, autonomia eta elkarbizitza lantzeko aukera paregabea izan dute.
Irudia
Atzo, Haur Hezkuntzako 2. mailako ikasleek dantza emanaldia eskaini zuten erdiko aretoan, irakasleen laguntzarekin. Gogo handiz prestatu zuten saioa, eta ikusleek ederki gozatu zuten haien mugimendu eta irribarreekin.
Irudia
Pasa den astean, Lehen Hezkuntzako 4. mailako ikasle eta irakasleek Arotz-Enean egonaldi zoragarria izan zuten. Bertan, natura eta sormena uztartzen dituzten jarduera ugari egin zituzten.
Irudia
Elgoibar Ikastolak nazioarteko bi elkarlanerako proiektu hartuko ditu aste honetan: Erasmus+ proiektua eta “Herri Txikiak, Hizkuntza Handiak” programa. Testuinguru horretan, Bretainia, Martinika eta Istanbulgo ikasle eta irakasleak izango ditugu gurean, maiatzaren 11tik 19ra bitartean.
Irudia
Azken asteetan, HH 5eko gelan, hainbat familien bisita izan dugu. Beste herrialde batzuetan jaiotako gurasoek beraien jatorrizko lurraldeen inguruan hitz egin digute: kultura, ohiturak, hizkuntza eta askoz gehiago!