Ikastolako Berriak

Urtero legez, Morkaiko Mendizale Elkarteak ikasle eta gurasoentzako mendi irteerak antolatu ditu.

Pasa den asteko haizetearen ondorioak nabariak dira gure baratze xumean. Kalabazina eta artoa kaltetu dira. Hala ere, piper eta pipermin gutxi batzuk batu eta jangelara eraman ditugu. Datorren egunetan, giro egokia egiten badu landaketa berriak egingo ditugu. Informatuta edukiko zaituztegu.

LH2.mailako ikasle eta irakasleak liburutegira irteera egin dute.

Gipuzkoako Ikastolen aldeko jaia antolatzeko lekukoa hartu genuen igandean Azpeitian, eta atzo goizean Azkarateko bide zaharretik iritsi zen lekuko ikastolara. Ikusi bideoa 📹! Denok gonbidatuta zaudete azaroak 29an egingo dugun Kilometroak25 ekimenaren aurkezpenera!

Seigarren mailako ikasleak antzerki-saioak hasi dituzte eta astean, ordubete eskainiko diote jarduera honi. Saio hauen helburua euskararen erabilera bultzatzea, trebetasun sozialak indartzea, genero-berdintasuna lantzea eta antzerkiaren bidez sormena eta talentu artistikoa sustatzea da.

Urtero bezala, Agenda 30eko ikasle eta irakasle arduradunen taldea osatu berri dugu. Aurtengoan gai berria lantzen hasiko gara: Ekoizpen eta kontsumo arduratsua.

Urriaren 1ean, ikasturteari hasiera emateko Eskola Kontseiluaren bilera deitu zen. Bertan, kontseilariei, 2024-25 ikasturteko antolaketa, lan-ildoak eta plangintza aurkeztu zitzaien. Horrez gain, zuzendaritza talde berria aurkeztu zen eta kontseilariek bere onespena eman zioten.

Urriaren 6an giro ezin hobean ospatu ziren Kilometroak Azpeitian. Bertan jaso genuen lekukoaren aldaketa. 2025eko urriaren 5ean Elgoibarren ospatuko dira.