Ikastolako Berriak

Azken asteetan, gure ikastolako ikasleak erleen eta liztor asiarraren inguruko ikerketa berezi batean murgildu dira. Helburua metodo zientifikoa erabiliz, bi intsektu hauen arteko harremana ulertzea eta ingurumenari nola eragiten dioten jakitea izan da.

Martxoaren 8an Pilota Eguna ospatuko dugu! Esku-pilotaz gozatzeko ekintza bereziak izango ditugu goiz osoan zehar.

Haur Hezkuntzako ikasle eta irakasleak Euskal Mitologia lantzen egon dira azken bi asteetan eta proiektuari itxiera emateko, ardi, artzain, sorgin-txiki, Tartalo, Basajaun eta sorgin-handiek ekitalditxo bat burutu dute.

Gotzon Garate Udal Liburutegiak antolatutako orri-markagailuen lehiaketan, LH 1eko Gonzalo Castrok bere sormena erakutsi eta irabazlea izan da bere kategorian!

Atzo, Mikel Egibarrek —Ikastolen Elkarteko Kilometroetako arduradunak— LH6 eta DBH3 mailako ikasleekin pilota tailer berezia eskaini zuen.

Aurreko astean eman genion Gerturatzen egitasmoari hasiera. Hilean behin, arratsaldeetan, haurtzaindegiko familientzako bilgune izango dira haurtzaindegiko espazioak, denok elkarrekin jolasteko, hitz egiteko, esperimentatzeko eta gogoetak partekatzeko.

Gaur LH2.mailakoak Miren Agirre kimikaria eta irakaslearen bisita izan dugu. Emakume zientzialariaren egunaren harira kimikaren inguruko azalpen batzuk eman dizkigu eta hobeto ulertu ahal izateko hainbat esperimentu egiteko aukera izan dugu. Eskerrik asko Miren!

DBH3ko ikasleak mugikorraren erabilerari buruz hausnartzen ari dira "Komunitatearen zerbitzurako proiektuak" arloan. Horretarako, erronka berezi bati ekin diote: astebetez mugikorra ikastolan uztea.