Eskualdeko ikastetxeetan ikasturtean zehar Zientziaren eta teknologiaren esparruan egindako proiektuak biltzen dituen We Make Debabarrena! STEAM erronkaren sari banaketetan izan gara Eibarren. Dakizuenez, gure Lehen Hezkuntzako 4. mailako ikasleak sarituak izan dira. Horra bertatik iritsitako argazkiak.
Ikastolako Berriak
Gure txikienek Azpeitiara egindako txangoaz gozatzeko aukera izan dute gaurkoan. HH05 urteko haurrek bertako Tren museora egindako irteeraren irudiak iritsi zaizkigu. Ikusten den gisan, egunak ederki gozatu dute denek ere!
Elgoibarko kultur nortasuna indartzeko eta bertako tradizioak txikitatik ezagutarazteko asmoz, Udalak herriko bi erraldoi berrien miniaturazko bertsioak kaleratu zituen maiatzaren hasieran: Jon Lizarralde eta Arantza Aginako. Horiek aurkeztera etorri da astean Maialen Gurrutxaga alkatea, Ikastolako 2 eta 4 urteko geletara. Miniatura hauek jostailu izateaz gain, Elgoibarko haurrek beren kultur ondarearen aberastasuna ezagutu eta estimatu ahal izateko hezkuntza tresna izatea da helburua.
Lantzen ari diren gaia “ekosistemak” izanik, pasa den ostiralean LH3. mailakoak irteera izan zuten Urdaibaiko ekoetxera. Bertan, padurak, zonaldeko izaki bizidunak etab. ikusteko aukera izan genuen. Leku aberatsaz eta giro zoragarriaz gozatzeko aukera izan zuten!
Maiatzaren 30ean, ostegunean, pleno txikia ospatu zen herriko Udaletxean. Bertan hiru ikastetxeetako Agenda 30eko ordezkariak udal agintariekin bildu ziren, Maialen Gurrutxaga alkatea, hirigintzako Jon Zubiaurre eta Iñaki Galdos idazkariarekin, hain zuzen ere. Egindako lana aurkeztu zaie agintariei, hala nola herriko etxeetan buzoneatutako esku orriak, kaleetan ikus daitezkeen kartelak, sare sozialetan igo diren bideotxoak eta gazteleku eta ludotekarako pegatinak.
Ikastolako ikasleek Galtzagorri elkarteak antolaturiko booktrailer lehiaketan parte hartu zuten. Hortarako Kukuaren kantua (Idoia Garzes) nobela irakurri eta landu dugu gelan, eta ondoren booktrailerrak egin dituzte taldeka. DBH 1Cko ikasle talde batek publikoaren saria irabazi zuen, eta beste talde bat hiru finalisten arten gelditu zen. Atzo izan ginen sari banaketa ekitaldian. Donostian izan zen, Tabakaleran. Bertan Idoiarekin egoteko aukera ere izan genuen. Hortxe bertatik iritsitako argazkiak.